كلمات مرفت جابر
_______________
مهما كان ف طريقنا سور
إحنا قادرين ع العبور
د احنا ف الأرض القنابل
واحنا ف الجو النسور
الأفاعي والديابه
ينهشوا ف لحم الغلابه
يكسروا ف عضم الطيابه
ويجروا يتداروا ف جحور
يطلعوا زي اللئام
يخرسوا فينا الكلام
دول دراع العم سام
دول أكيد من أرض بور
دول أكيد الكفر دينهم
كل فعل هناك يدينهم
بكره راح نقطع إيدينهم
جي دورهم ف الطابور
د احنا وقت السلم مهد
واحنا وقت الحرب رعد
واحنا جوّه البحر مد
واحنا ف السرب الصقور
-مرفت جابر- مصر
ليست هناك تعليقات:
إرسال تعليق